Zid

Raat ke kisi kone mein

Jahaan aane waale din ki fikar abhi tak pahochi nahi

Aur beetein hue kal ke ghaav itne dukhte nahi

Udhar aapki yaad sabse zyada aati hai

Ye pal raat ke sabse khoobsoorat aur sabse mushkil hote hein

Gulabi, Mulayam aur kaaton se bhare hote hein

Idhar waqt bhi thodi susti karta hai

Thodi aur der usko bhi dekhna hai

Ki meri raat kaise kat ti hai

Idhar khwaab bicha ke main beech me baith jaati hoon

Nami apne aap, baatein karne lagti hai, kisi jaane pehchaane ki tarah

Baaton baaton mein, waqt bhi maan jaata hai, pighalta hai

Phir raat guzarti hai

Ulfat aasaan nahi, aur mai haar maanti nahi

Zid hi hai, sahi bhi hai